He whakamārama i ngā mahi hei āwhina i a koe mō te taha ki whakamutunga mahi, te whaiwhai mahi, te tīmata i te mahi, te kimi kōwhiringa ako rānei.

Mā te hunga kua whakamutu te mahi, he uaua rānei te kimi mahi ko te mate urutā KOWHEORI-19 te take.

• He hononga ki ngā whakahaere e taea ai te āwhina mō te taha ki te hauora hinengaro
• Te tukanga rapu mahi, ngā tīwhiri Tāhuhu Tangata me tētahi tātauira
• He tīwhiri mō te waihanga kōrero tāhuhu ā-ipurangi
• Te whakakī tono me te whiringa o te taura tangata ki ngā kaiwhakawhiwhi mahi
• He pātai uiui, he tohutohu hoki
• He tohutohu mō te ako, mō ngā kōwhiringa whakangungu-anō hoki ina hiahia ara mahi pūmau hou koe.

Ko ngā mahi e whāia ana me ngā ahumahi i pāngia e te mate urutā te KOWHEORI-19.

Ngā tāngata e āta whakatakoto ana i te ara mahi hei whai mā rātou, kua mutu te mahi, e hiahia ana ki te tuku tohutohu ki tētahi e whakamāherehere ana i tō rātou ara mahi.

• Ngā tatauranga mō te mahi i Aotearoa.
• Ngā rārangi pūkenga o ngā rāwaho e hiahiatia ana.
• He kōrero mō ngā mahi e matea nuitia ana, kei ngā wāhi hoki e tino hiahiatia aua mahi.
• Ngā tatauranga mō ngā ahumahi kua whakakorea ētahi o ngā mahi o roto, ngā wāhi rānei kei reira ngā momo mahi, nā te mate urutā te KOWHEORI-19 te take.
• He mōhiohio mō ngā tūmomo mahi o ngā rā e tū mai nei ka whāia nuitia.

He nui ngā mahi māu kei Te Hiranga Tangata, he mea wātea ki tēnā ahumahi, ki tēnā ahumahi, māna hoki koe e āwhina i a koe e kimi mahi ana māu.

Mō te tangata e kimi mahi ana, ahakoa ko wai. Ehara i te mea me whai takuhe, engari, me whai tau kiritaki ki te rēhita ki a mātou, te whakamahi hoki i tō mātou ratonga.

E taea ai te whiwhi:

• tohutohu mō te whakamahere i tō rapu mahi
• he tīwhiri kia mōhio ai koe ki hea tiro ai
• he tohutohu mō te whaiwhai ake i ngā rongo mō te mahi
• he āwhina ki te kimi mahi i tō rohe.

Ngā kōrero katoa mō te kimi me te tono mahi.

Ngā Tāngata o Aotearoa me ngā rāwāhi hou o nā noa nei e kimi mahi ana.

• He rārangi o ngā paetukutuku mahi wātea, kimi kaimahi hoki
• He Pukamahi Pāhekoheko Kairapu Mahi me ngā ī-pukapuka mō ngā kairapu mahi hou
• Tāhuhu Tangata me ngā tātauira reta uhi
• Te whakakī kōtaha ā-ipurangi, he taupānga me te whakapakari i te taura kaimahi
• He pātai uiui, he tohutohu hoki
• He pārongo mākete mahi mō ngā mahi e tino hiahiatia ana
• Nā tīwhiri mō ngā kaiheke hou ki Aotearoa

Me ako ki te tuhi Tāhuhu Tangata he hāngai te kōrero e whakaatu ana i tō tino, ō pūkenga, tō wheako.

Ngā ākonga katoa e tono mahi ana, e whakaaro ana ki te tono mahi.

Ko tā tēnei paetukutuku he tuku tohutohu mō te whakatairanga i a koe anō ki tētahi kaiwhakawhiwhi mahi mā tō Tāhuhu Tangata, ngā mōhiohio mō ngā āhuatanga hei mahi, hei karo rānei, me ngā rauemi tātauira rawe e whakamāmā i te mahi waihanga Tāhuhu Tangata! Kua whakamāoritia tēnei rauemi ki te reo Māori me te reo Ingarihi.

He mea nui tō Tāhuhu Tangata me tō reta uhi ki tō rapunga mahi. E whakamārama atu ki tētahi kaiwhakawhiwhi mahi ngā mahi kua mahia e koe, me ō painga mō te taha ki te mahi. Mā ēnei tātauira me ngā tīwhiri e āwhina i a koe ki te waihanga Tāhuhu Tangata, reta uhi hoki ki te tautoko i rō rapunga mahi.

Te hunga e kimi mahi ana, kei te hiahia āwhina ki te hanga Tāhuhu Tangata, reta uhi, tono mahi rānei.

Tiki tīwhiri mō te tuhi Tāhuhu Tangata, reta uhi rānei, whakamahi tētahi rānei o ngā tātauira kei te hōputu PDF, Word, Open Office, Pages rānei.