Ka whakangāwarihia ai e Tūhono kia toro mahi, wānanga, whakangungu, kia whiwhi tautoko pakihi rānei. Tā te ratonga nei he tautoko i tētahi wāhanga whanui o ngā iwi o Aotearoa kia kimi he kupu tohutohu, tautoko e hiahia ana rātou, waihoki ngā pakihi, ko te hunga e kimi tautoko ana ki te kimi mahi, e āwangawanga ana rānei kia pupuru ki te mahi e mahitia e rātou ināianei tonu, me te hunga anō e kimi kupu tohutohu ana mō te wānanga, whakangungu me ngā angitutanga.

Ka whakaratotautoko, pārongo anō hoki a Tūhono mō ēnei e whai nei:

• te kimi mahi
• ngā whiringa wānanga, whakangungu tae atu ki te momo tautoko mō ngā tauira mahi
• he kupu tohutohu umanga
• te kimi kaimahi
• he tautoko pakihi

Tā Tūhono ratonga ko tēnei pae tukutuku hoki, he waea utu kore (0800 264 737) me ētahi whare Tūhono, e 35 puta atu i te motu. Haere mai tātou ki te toro mai ki tētahi o ngā whare o Tūhono, ahakoa kāore he hui i whakaritea kia kimi tautoko ki te toro haere i ngā ratonga e wātea ana i ngā umanga kāwanatanga i roto i ō rohe*. Ka whakahaerehia e Tūhono ngā tū mahi maha whānui, arā he kaupapa mō te hunga rangatahi, ko ngā kaupapa whakangungu me ngā kaupapa tūhonohono pakihi. Ka tūtakitaki ai ngā kaiwhakawhiwhi mahi i te hunga kimi mahi me te whakahaere kaupapa ki ngā whare o Tūhono.

He ratonga kāwanatanga whānui a Tūhono e ārahi ana a Te Manatū Whakahiato Ora.

*Kia mōhio mai: Kei te āhua o ngā here haumaru o te KOWEHORI-19 e pai ai tō tomonga.

Te Anga

Tā Tūhono, he piriti tūhono tāua ki a tāua. Ka tūhono ā tāua hītori me tō tāua anamata kia kotahi, ā, he momo waka e mahi ai mātou kia puta te angitutanga i roto i a tāua kia anga ngātahi whakamua ai. Ko te tikanga o Te Anga, he anga whakamua, te torohaki me te kōkiri whakamua.  He anga ki ‘mua’, ā, he tohu rangatiratanga, he anga, he haeretanga whakamua, he korikori, he anga ngātahi whakamua.

Tā mātou tohu i waihangatia ai kia tohua he aha ia e whakaaweawetia ai a Tūhono, ā, i ahu mai i ngā tohu o te tāniko a te Māori – he momo o te whatu (raranga) e mahitia ana kia whatu i ngā korowai muramura, korohunga anō hoki. Tā ngā tohu tāniko he whakaatu i ngā hītori, ngā whakaaro me ngā ūara. Ko te Waharua Kopito, he āhua taimana/tapatoru. Ko te whakapākehātanga iho, koia tēnei te wāhi e whakawhiti ai te tanga, kaupapa rānei. Arā, te wāhi e whakapiripiri ngātahi ai te tangata kia tūhono, kia panoni.