Nau mai haere mai

Te whakatau i ō takahanga e whai ake nei

Ngā taputapu me ngā tohutohu hei āwhina i a koe ki te whakatau i te ara mahi pūmau e tika ana māu.

Ratonga Ara Mahi Pūmau Hāngai Tonu (Direct Career Service)

Te Amorangi Mātauranga Matua

He tohutohu whaiaro, koreutu mai i ngā mātanga ara mahi pūmau. E taea ai e rātou koe te āwhina ki te whakapiki i tō māia, te whakatakoto mahere me te whakarite i ō nekehanga hou ki te whai mahi, whai whakangungu rānei.

About He aha te tikanga o tēnei

  • He tohutohu whaiaro mā runga waea me ngā mātanga ara mahi pūmau me te āwhina ki te whakatakoto mahere ara mahi pūmau, te kimi mahi, te kimi whakangungu rānei. Waea mai ki 0800 222 733  ki te rēhita.
  • He kupu tohutohu kanohi ki te kanohi me ngā mātanga ūmanga ki ngā wāhi Connected puta i Aotearoa.
  • E wātea ana tēnei ratonga mai i te 19 Whiringa-ā-nuku 2020 tae atu ki te marama o Pipiri 2022.

Who Mā wai hoki

Mā ngā tāngata katoa o Aotearoa katoa tēnei ratonga e whai ana i ngā tohutohu ki te whakamahere i tō rātou ara mahi pūmau me te kimi mahi, whakangungu rānei. E tino hāngai ana hoki ki te hunga kua pāpāngia ā rātou mahi e te KOWHEORI-19.

Offers Ōna hua

  • He mea whakatakoto mahere kua mātua whakaritea ake māu e whakahuahua ana i ngā mahi hei mahi ināianei ki te whai mahi, whakangungu rānei.
  • Kia mārama ki ō pūkenga whakawhitiwhiti me pēhea tō whakamahi i aua pūkenga i tētahi mahi hou.
  • Me whai āwhina me tō Tāhuhu Tangata me ngā reta uhi.

Whakatakoto mahere, tini rānei i tō ara mahi pūmau

Te Amorangi Mātauranga Matua

Kātahi te hiamo o te kimi whāinga ake māu, te tini ara mahi pūmau rānei. Ka arahina koe e ngā aratohu kete pārongo o careers.govt.nz i ngā takahanga ki te kimi i te ara pūmau mahi e tika ana māu, e ahu mai ana i ō pūkenga, ō painga me ngā mahi e hiahiatia ana.

About He aha te tikanga o tēnei

Ka ārahina te tangata i ngā takahanga e tika ana kia mahia e rātou kia pai ai te kimi ara mahi pūmau tika mā rātou e ahu mai ana i ō rātou pūkenga, painga, me ngā mahi e hiahiatia ana.

Who Mā wai hoki

Ngā tāngata o Aotearoa e hiahia ana ki te whakamahere, ki te whakarerekē rānei i tā rātou ara mahi pūmau.

Offers Ōna hua

  • He tukanga whakamahere ara mahi pūmau.
  • Ngā pukamahi me ngā whakamātautanga kia tūhura i tō tino, i tō tino hiahia hoki.
  • He pārongo mō te tuhura me te whakamātau i ngā kōwhiringa ara mahi pūmau.
  • Ngā ataata o ngā tāngata e kōrero ana mō tō rātou ara mahi pūmau.
  • Ngā tīwhiri whiriwhiri i ō pūkenga me ngā mahi e hiahiatia ana.
  • Ngā kōwhiringa mātai mātauranga, whakangungu hoki.
  • He tohutohu mō ngā mahi hei mahi ināianei, mehemea kei te hiahia tini ara mahi pūmau, ara mātai rānei.

Te kōwhiri i te ara mahi pūmau

Te Tāhuhu o te Mātauranga

Tuhura i te taurite o ō pūkenga me o uara ki ngā momo ara mahi pūmau rerekē, me pēhea hoki koe e whiwhi i te ōritenga mahi, ōritenga kāinga.

About He aha te tikanga o tēnei

Mā tēnei rauemi e āwhina i a koe ki te tautohu i ō pūkenga, uara mahi hoki, he pēhea hoki te taurite atu ki ngā momo ara mahi pūmau. I tua atu, e taea ai e tēnei rauemi te āwhina i a koe me ō whakaaro mō te ōritenga mahi, ōritenga kāinga.

Who Mā wai hoki

Ngā ākonga katoa puta noa i Aotearoa.

Offers Ōna hua

Mā tēnei rauemi e āwhina i a koe ki te whakataurite atu i ō pūkenga ki ngā momo ara mahi pūmau rerekē, kia pai ai tō āta whakaaroaro i tāu e tino hiahiatia ana i te mahi. Ka honoa atu hoki ki ētahi atu rauemi āwhina nei - ki kona e riro mai ai ētahi atu mātau anō.

He tohutohu mō ngā mahi hei mahi ināianei, mehemea kua mate tō tini i tō ara mahi pūmau.

Te Amorangi Mātauranga Matua

Ka hia kē ngā wā i tō ao ka tini pea koe i tō ara mahi pūmau. Anei ngā tohutohu kia pai ai tō whiriwhiri me pēhea koe e tini i tō ara mahi pūmau, i tō ako rānei, ko wai hoki e āwhina.

About He aha te tikanga o tēnei

Te tini i tō ara mahi pūmau, mātai rānei.

Who Mā wai hoki

Te hunga kei te mahi, kei te ako rānei e hiahia ana ki te tini i tō rātou ara mahi pūmau, akoranga rānei.

Offers Ōna hua

  • He pukamahi ki te tautohu mehemea me tini koe i tō ara mahi pūmau, ara ako rānei.
  • He pārongo mō te hunga e taea ai te āwhina i a koe me ngā tohutohu ara mahi pūmau.
  • Ngā kōwhiringa mō te whakangungu-anō ki te tini i tō ara mahi pūmau.

He tohutohu mō te whiriwhiri i ō pūkenga

Te Amorangi Mātauranga Matua

Me whiriwhiri i ō pūkenga kia whakapiki ai i ō kōwhiringa mahi, te kimi ara mahi pūmau hoki e hāngai ana ki a koe. Me mōhio koe e pai ana koe ki ēhea mahi ki te kōwhiri ara mahi pūmau me te whakarārangi i ō pūkenga ki tō Tāhuhu Tangata.

About He aha te tikanga o tēnei

Me ako koe ki te whiriwhiri i ō pūkenga mai i ō wheako mahi, koiora, ako hoki. Te tikanga me mōhio koe ki ō pūkenga i a koe e whakamahere ana i tō ara mahi pūmau e tono mahi ana hoki.

Who Mā wai hoki

Te hunga wehe i te kura, te hunga tini ara mahi pūmau e whakamahere ana i tō rātou ara mahi pūmau, me ngā tāngata e kimi mahi ana.

Offers Ōna hua

  • Ngā pārongo mō ngā pūkenga me pēhea hoki e taea ai te tautohu i te katoa o ō pūkenga.
  • He pukamahi pūkenga.
  • He ataata e whakamārama ana me pēhea te whakaahua i ngā pūkenga i a koe e kimi mahi ana.

Me tīmata ki te Taurite Pūkenga

Te Amorangi Mātauranga Matua

E hiahia ana koe ki te whakatau i tō whāinga matua i te ao nei, te tini rānei i tō ara mahi pūmau? Ka whakatauritea e te taputapu Taurite Pūkenga ō pūkenga, me te huatau i ngā mahi. Tirohia rānei, ngā mahi e taea ai ki te tini koe i ō pūkenga.

About He aha te tikanga o tēnei

He taputapu pāhekoheko ka huatau i ngā huatau mahi e ahu mai ana i ngā pūkenga.

Who Mā wai hoki

Ngā tāngata o Aotearoa e hiahia ana ki te whakamahere, ki te whakarerekē rānei i tā rātou ara mahi pūmau.

Offers Ōna hua

  • He taputapu pāhekoheko e tiaki ai i ō huanga.
  • Ngā huatau mahi e ahu mai ana i ō pūkenga.
  • Tūhura i ngā huatau mahi ki te kimi pārongo whakauru kia tino mōhio ai ki te āhua o te mahi.

Ngā kōwhiringa mō te mātai, te whakangungu rānei i muri i te whakamutunga mahi

Te Amorangi Mātauranga Matua

Ko te utu whakamutunga pea tō ara ki te whakahou i ngā pūkenga, te kimi mahi hou rānei. Kimihia te mātai, te whakangungu rānei e taea ai i tō ao me ngā kōwhiringa mō ngā karahipi, ngā utu kore rānei.

About He aha te tikanga o tēnei

Ngā kōwhiringa mātai, whakangungu rānei, me pēhea hoki te kimi, mō ngā tāngata kua whakamutua te mahi.

Who Mā wai hoki

Ngā tāngata kua whakamutua tā rātou mahi i nā noa nei, ā, kei te hiahia whakapakari rātou i ō rātou pūkenga, te huri ki mahi hou rānei ki te kimi mahi.

Offers Ōna hua

  • He tirohanga whānui o ngā kōwhiringa mātai, whakangungu e pai ana mā ngā pakeke.
  • Ngā mōhiohio mō ngā karahipi me ngā utu kore.
  • Ngā kōwhiringa mō te whiwhi NCEA, he whakaaetanga rānei ki ngā akoranga o mua.

Tupu Aotearoa

Te Manatū mō ngā Iwi o Te Moana nui ā-Kiwa

He kaupapa arotahi a Tupu Aotearoa hei tautoko i ngā tāngata nō te Moana-nui-a-Kiwa ki te whiwhi utauta, pūkenga hoki kia momoho ai rātou mā te whai mahi, te whakatutukinga o ētahi atu whakangungu, te ako rānei.

About He aha te tikanga o tēnei

Ka whakahaeretia a Tupu Aotearoa e ngā kaiwhakarato ā-rohe ki te tautoko i a koe i runga i tō haerenga ki te whai mahi, te whakangungu anō, te ako rānei.

Who Mā wai hoki

Ngā tāngata o te Moana-nui-a-Kiwa kei Aotearoa:

  • 15 pakeke ake rānei
  • He kirirarau nō Aotearoa
  • kāore i te mahi, te mātauranga, te whakangungu rānei i tēnei wā.

E kitea ai ngā wāhi e noho ana ngā kaiwhakarato ki runga i te paetukutuku o Te Manatū mō ngā Iwi o Te Moana nui ā-Kiwa

Offers Ōna hua

E āwhina ai ngā kaiwhakarato o Tupu Aotearoa i a koe ki:

  • te tautohu i ngā akoranga whakapiki pūkenga, whakangungu hoki e hāngai ana
  • he tohutohu ara mahi pūmau, me te ārahitanga
  • rapu mahi
  • te tautoko ki te tuhi i tō Tāhuhu Tangata, reta uhi rānei
  • te whakarite mō ngā uiui
  • te whiwhi raihana taraiwa
  • te tautoko pakihi me te tautoko i muri i te whiwhinga mahi.

Mai i te ako ki te whiwhi pūtea

Te Tāhuhu o te Mātauranga

Ka piki te māramatanga o ngā ākonga o te hāngaitanga o ā rātou akoranga NCEA ki te ao mahi, tae atu hoki ki ngā tohu, me ngā pūkenga ka hiahiatia e te ahumahi. He mea āwhina ēnei Ara Ahumahinga i ngā ākonga ki te kite i te uara o ā rātou akoranga ki te ao e tū nei, mā te whakahāngai i tā rātou NCEA ki ētahi rāngai ahumahi e ono.

About He aha te tikanga o tēnei

Mā ngā Ara Ahumahinga e āwhina ngā ākonga ki te kite i te uara o ā rātou akonga i te wāhimahi mā te whakahāngai ngā paerewa aromatawai mō ngā ahumahi e ono, e āwhina hoki i a rātou ki te tūhura i ngā ara mahi pūmau e tino kaingākautia ana e rātou!

Who Mā wai hoki

Mā ngā ākonga e ako ana i te taumata 2 me te 3 puta noa i Aotearoa i te kura, kua rēhita rānei ki tētahi o ngā whakahaere mātauranga matua.

Offers Ōna hua

Ko tā ngā Ara Ahumahinga he āwhina i ngā ākonga ki te kite i te hāngaitanga o ā rātou akoranga ki te ao mahi me te whiwhi mātauranga o ngā pūkenga me ngā tohu ka hiahiatia e te ahumahi.

Ka kite ngā ākonga ka pēhea e honohono ai tā rātou akoranga ki ngā ahumahi e ono, tae atu ki ngā Ahumahi Toi, Ahumahi Matua, Ahumahi Ratonga, ngā Ratonga Pāpori, Hapori hoki, te Hanga Whare me te Hanganga, te Whakanao me te Hangarau.

Haere ki careers.govt.nz

Te Amorangi Mātauranga Matua

Kei te hiahia kimi i tō tino mahi, kei te hiahia kimi mahi rānei? He tīwhiri tā careers.govt.nz mō te whakamahere i tō ara mahi pūmau, te kimi mahi, te hoki mai anō i muri i te whakamutunga mahi. Kia rongo koe i te wairua nā te whānui o ngā momo mahi i Aotearoa, me ngā kaupae e tīmata to para i te huarahi ki tō anamata.

About He aha te tikanga o tēnei

Me pēhea tō kimi i tō take, whakamahere i te ara mahi pūmau, te kimi mahi me te ako mō te ao mahi.

Who Mā wai hoki

A ngāi Aotearoa e hiahia ana kia rongo i te wairua ki te whakamahere i tō rātou anamata.

Offers Ōna hua

  • Hiringa Ara Mahi Pūmau - He pātengi raraunga 400+ o ngā kōtaha mahi me ngā rangahautanga hei tūhura.
  • Ngā taputapu pāhekoheko ki te kimi i ngā huatau ara mahi pūmau e ahu mai ana i ō pūkenga, painga hoki.
  • Ngā tohutohu kimi mahi hou rawa, Pūhanga Tāhuhu Tangata, me ngā tātauira, tātauira reta uhi hoki.
  • He tohutohu  e pā ana ki ngā mahi hei mahi māu mehemea kua raru tō ara mahi pūmau.
  • He pārongo mārama tonu e pā ana ki ngā kōwhiringa ako, whakangungu hoki me pēhea hoki te whiriwhiri marau kura.
  • He pārongo mō ngā mahi e totohetia ana me te ānamata o te mahi.
  • He rauemi mā ngā mātua, ngā kaiwhakawhiwhi mahi me ngā kaiwhakaako.

Whakarerekēhia: