Nau mai haere mai

Ngā ratonga tautoko mahi

Te tautoko tāngata i ētahi tūāhuatanga ki te whai i te mahi.

Te whakahaere kēhi mahi

Te Manatū Whakahiato Ora

Ka tuku āwhina whakahaere kēhi Te Hiranga Tangata ki ngā tāngata hei āwhina i te tangata ki te whiwhi mahi.

About He aha te tikanga o tēnei

Ka taea e te kaiwhakahaere kēhi o Te Hiranga Tangata koe te tautoko ki te whakarite mō te mahi me te tautoko i a koe ki te whiwhi i tētahi mahi.

Who Mā wai hoki

Mā te hunga whiwhi penihana, kimi mahi hoki.

Offers Ōna hua

Ka āwhina te kaiwhakahaere kēhi i a koe ki:

  • te tautohu mahi ki tō rohe
  • te whakapiki pūkenga, te whakangungu
  • te waihanga Tāhuhu Tangata, reta uhi rānei
  • i tō rapunga mahi
  • te whakamahi taura here ā-rohe ki te kimi mahi e tika ana māu.

Kaupapa Mahi Auraki

Te Manatū Whakahiato Ora

Mehemea he herenga hauā, hauora rānei ōu engari kei te hiahia mahi, e taea ai pea te uru atu ki Te Kaupapa Mahi Auraki o Te Hiranga Tāngata. Ka haere te kaupapa mō te kotahi tau.

About He aha te tikanga o tēnei

Ka mahi ngā kaiwhakarato o Te Ratonga Mahi ki te taha o ngā kaiwhakawhiwhi mahi ki te kimi tūranga e hāngai ana ki ō pūkenga me ō whāinga mahi. Ka hoatuna te tūranga ki a koe ā-wheako mahi whai utu, kātahi ka whakangungua koe ki taua mahi.

Who Mā wai hoki

Ka utua koe kia whiwhi wheako mahi whai utu, ka mutu, ka whiwhi mahi wā-roa.

Offers Ōna hua

Ka taea te whiwhi āwhina ki:

  • te pūtea mō:
    • te whakangungu ā-waho
    • ngā tū momo utauta,
    • ētahi atu āwhina rānei
  • te tautoko haere tonu mā koutou ko ō kaiwhakahaere

Ngā Moni Tautoko Whakangungu

Te Manatū Whakahiato Ora

He tautoko kia utu i ngā nama tāpiri kia mahi ai i tāu mahi mēnā rā he whaikaha koe, he āhuatanga hauora rānei tōu.

About He aha te tikanga o tēnei

Ko te haupū Mahi Tautoko  hei tautoko māu kia utua ētahi mea e pā ana ki tō āhuatanga hauora, tōu whaikahatanga rānei e whiwhi mahi ai koe, kia noho tonu rānei koe ki tētahi tūranga mahi. Ka taea anō hoki e koe te tono mēnā rā he mahikuhu tāu.

He wāhanga tēnei o te Haupū Moni Mahi me te Tautoko Whakangungu.

Ko te haupū moni Tautoko Mahi e kapi ai i ēnei:

  • Ngā Taputapu
  • Ngā Panonitanga ki te wāhi mahi
  • Te Reo Rotarota o Aotearoa me ngā kaiwhakamāori reo rotarota
  • Tangata tautoko
  • Tūranga waka
  • Ikiiki
  • He moni pūkoro māpua
  • Kaiako mahi

Who Mā wai hoki

Mā te hunga he pēnei nei:

 

  • āhuatanga hauora, he whaikahatanga rānei ko te āhua nei ka roa ake ai i te 6 marama te roa e mau ana
  • hiahia kia utu nui atu mō te tautoko kia mahi i tētahi mahi nō tōna āhuatanga hauora, whaikahatanga rānei, ko ngā utu ēnei e kore e te tangata kāore e whai whaikahatanga ana e whai ina mahi ana rātou i te mahi ōrite tonu rā.
  • Kirirarau o Aotearoa, he kainoho pūmau rānei
  • ka noho ki Aotearoa noa nei, ā, ko te takune kia noho mai ai ki konei
  • kāore e whiwhi ana i te tautoko i Te Kaporeihana Āwhina Hunga Whara, i te Manutū Hauora rānei.

Tupu Aotearoa

Te Manatū mō ngā Iwi o Te Moana nui ā-Kiwa

He kaupapa arotahi a Tupu Aotearoa hei tautoko i ngā tāngata nō te Moana-nui-a-Kiwa ki te whiwhi utauta, pūkenga hoki kia momoho ai rātou mā te whai mahi, te whakatutukinga o ētahi atu whakangungu, te ako rānei.

About He aha te tikanga o tēnei

Ka whakahaeretia a Tupu Aotearoa e ngā kaiwhakarato ā-rohe ki te tautoko i a koe i runga i tō haerenga ki te whai mahi, te whakangungu anō, te ako rānei.

Who Mā wai hoki

Ngā tāngata o te Moana-nui-a-Kiwa kei Aotearoa:

  • 15 pakeke ake rānei
  • He kirirarau nō Aotearoa
  • kāore i te mahi, te mātauranga, te whakangungu rānei i tēnei wā.

E kitea ai ngā wāhi e noho ana ngā kaiwhakarato ki runga i te paetukutuku o Te Manatū mō ngā Iwi o Te Moana nui ā-Kiwa

Offers Ōna hua

E āwhina ai ngā kaiwhakarato o Tupu Aotearoa i a koe ki:

  • te tautohu i ngā akoranga whakapiki pūkenga, whakangungu hoki e hāngai ana
  • he tohutohu ara mahi pūmau, me te ārahitanga
  • rapu mahi
  • te tautoko ki te tuhi i tō Tāhuhu Tangata, reta uhi rānei
  • te whakarite mō ngā uiui
  • te whiwhi raihana taraiwa
  • te tautoko pakihi me te tautoko i muri i te whiwhinga mahi.

Te Ratonga Taiohi

Te Manatū Whakahiato Ora

Ko te aronga pū o ngā mahi katoa a Te Ratonga Taiohi ko te mana me te oranga o ā tātou rangatahi. Ka kuhu wawe atu ki te āwhina i te rangatahi ki te whakapakari i tō rātou māia hei whakanui ake i tō rātou pitomata.

About He aha te tikanga o tēnei

He tautoko i te rangatahi i waenga i ngā pakeke o te 16-19 tau ki te whai wāhi atu ki te ao mātauranga, te whakangungu, te ako i te mahi, me te mahi. He mea whakatakoto ratonga whakaruruhau kua āta whakarite mō te hunga rangatahi e whakaakongia ana e ngā Kaiako Rangatahi e mahi ana i ngā tū momo whakahaere whakangungu tūmataiti, Iwi/Māori, hapori anō hoki.

Who Mā wai hoki

Te hunga rangatahi i waenga i ngā pakeke o te 16-19 tau e hiahia ana ki te whai wāhi atu ki te ao mātauranga, te whakangungu, te ako i te mahi, me te mahi.

Offers Ōna hua

Ko tā ngā kaiako o Te Ratonga Taiohi he tautoko, he āwhina hoki i te hunga rangatahi ki te whai wāhi atu ki te ao mātauranga, te whakangungu, te ako i te mahi hoki. Ka tuku āwhina whai kiko rātou ki te hunga rangatahi, arā, mō ngā take whare, ka whakarite i a rātou mō ngā uiui mahi, te hono rānei i a rātou ki ā rātou rōpū tautoko ā-rohe.

Ngā Ratonga Tautoko Whakawhiti

Oranga Tamariki

Ko tā Te Ratonga Tautoko Whakawhiti he tuku tautoko ki te hunga rangatahi e whakarite ana ki te wehe i te atawhaitanga i te ratonga ture taiohi hoki ka whakawhiti ki te ao o te pakeke ki te whakatutuki hoki i ō rātou whāinga.

About He aha te tikanga o tēnei

Te whakarite mō te tū motuhake.

Who Mā wai hoki

E hiahia ana mātou kia mōhio ai te hunga rangatahi ki ngā momo āwhina, tautoko hoki e wātea ana ki a rātou mā Te Ratonga Tautoko Whakawhiti.

Offers Ōna hua

Ko tā Te Ratonga Tautoko Whakawhiti he whakatakoto tohutohu me te āwhina ki te hunga rangatahi i waenga i ngā pakeke 15 ki te 25 kei roto i te atawhaitanga, e whakarite ana rānei ki te wehe i te atawhaitanga, i te whare kainoho ture taiohi rānei. Ka taea e te hunga rangatahi te whakapā atu ki tō rātou kaimahi whakawhiti, te whakapā atu rānei ki tō rātou wāhi Oranga Tamariki pātata, te waea atu rānei ki te tīma Tautoko Whakawhiti i 0800 55 89 89 (external site) ō rātou hiahia. Tērā pea ka hiahia āwhina pūtea hoki rātou.

Ki te hiahia mōhio mehemea ka āhei tō whai wāhi atu ki tēnei ratonga, me waea mai i runga i te 0800 55 89 89 (external site).

He whakangugu, he ārahitanga utu kore mō ngā manene o Te Moananui-a-Kiwa i Aotearoa

Te Amorangi Mātauranga Matua

Ko Mahi Tūhono Moananui-a-Kiwa he kaupapa kia tautoko ai i a koe kia rite koe ki te ao mahi i Aotearoa. E wātea ana puta noa atu i Aotearoa nei.

About He aha te tikanga o tēnei

Ko ā mātou mātanga umanga Moananui-ā-Kiwa e whakarato akoranga ana me te noho tahi ake ki a koe anake e  ako ai i tētahi kaupapa 10 hāora te roa.

Ngā mea e ako ai koe:

  • ōu pūkenga me ō pūmanawa
  • ngā angitūtanga tūranga mahi
  • me pēhea ai koe e kimi mai, me te tono mahi e hāngai ana ki ōu pūkenga
  • me pēhea ai koe e tū māia ina kōrero ana ki ngā kaiwhakawhiwhi mahi.

Who Mā wai hoki

E whai nei ngā māraurau mō Mahi Tūhono Moananui-a-Kiwa e pai ai tō uru mai:

  • 16 – 65 te pakeketanga
  • nō Te Moananui-a-Kiwa
  • E noho ana ki Aotearoa, e ngā 10 tau heke iho rānei

Whakarerekēhia: