Nau mai haere mai

Te Pupuri me te whakapakari i ngā kaimahi

He pārongo mō ngā pakihi ki te whakapakari i ngā pūmanawa o ō kaimahi.

Te Hiki Whakangungu Pia

Te Manatū Whakahiato Ora

Ko te kaupapa tautoko ā-pūtea ki ngā kaiwhakawhiwhi mahi kia mau tonu ai, kia tō mai ai rānei he pia mahi hōu. Ka whakahaerehia tēnei kaupapa tae rawa ake ki te Tīhema 2023

About He aha te tikanga o tēnei

He pūtea mā ngā kaiwhakawhiwhi mahi hei āwhina i a rātou ki te tautoko i ā rātou pia ki te whakangungu, me te whakawhanake hoki i ō rātou pūkenga.

Who Mā wai hoki

Ko ngā kaiwhakawhiwhi mahi o ngā pia i tō rātou tau tuatahi, tuarua rānei o te Whakangungu Pia o Aotearoa, tētahi Whakangungu Ka Whakahaeretia kua whakamanatia e Te Amorangi Mātauranga Matua.

Offers Ōna hua

Ko ngā moni utu ki ngā kaiwhakawhiwhi mahi ka $1,000 i ia marama mō ngā pia mahi kei te tau tuatahi, ā, e $500 i ia marama mō ngā pia mahi kei te tau tuarua (Tae ake ki te 4 o Ākuhata 2022)

Mai i te 5 o Ākuhata 2022, tae ake ki te mutunga o Tīhema 2023, ko ngā moni utu ki ngā kaiwhakawhiwhi mahi, ka $500 i ia marama e tuku tahi ai mō ngā pia mahi kei te tau tuatahi, ngā pia mahi kei te tau tuarua hoki.

Te Pūtea Whakangungu Hāngai me Te Whakangungu Pia

Te Amorangi Mātauranga Matua

Ka tautoko Te Pūtea Whakangungu Hāngai me Te Whakangungu Pia i ngā kaiwhakangungu ki te ako i ngā pūkenga e hiahiatia ana e tō pakihi hei āwhina i te ōhanga o Aotearoa. He māmā ake ki te whakamahi i ngā pia (me te pupuri i a rātou), i te mea kua utua ō rātou utu whakangungu.

About He aha te tikanga o tēnei

Mā Te Pūtea Whakangungu Hāngai me Te Whakangungu Pia e pīkau ngā utu o te whakangungu mō ngā mahi i ngā ahumahi e tino hiahiatia ana ngā kaimahi. Mā reira e māmā ake ai te whakangungu-anō mā ngāi Aotearoa ahakoa te pakeke i ngā mahi nui ake nei ngā kōwhiringa mahi. Mehemea he pia tā tō pakihi, e whakaaro ana rānei ki te tiki tētahi, ka utua e TTAF ngā utu akoranga ahakoa te momo ahumahi e whakangungutia ana.

Who Mā wai hoki

Mō te hunga e kimi whakangungu ana, ahakoa ko wai.

Offers Ōna hua

  • Ka utua ngā utu ākonga mō te whānuitanga hoki o ngā momo whakangungu, ngā whakangungutanga pia katoa hoki.
  • He whakatenatena i ngā ākonga ki te whakangungu anō i ngā rāngai matua e tino hiahiatia ana ngā tāngata whai pūkenga.
  • Ka āhei to whiwhi pūkenga hou, tohu anō hoki.

Whakangungu Tauira

Te Puni Kōkiri

Whakakaha i tō pakihi kia rite mō te anamata i a koe e whakatipu ana i ngā pūkenga ārahi me ngā ara mahi pūmau o ngā kaimahi Māori awhero. Me mahitahi me Te Puni Kōkiri ki te whakatipu i ngā kaiārahi Māori.

About He aha te tikanga o tēnei

Ko tā ngā Whakangungu Tauira a Te Puni Kōkiri he tautoko i te Māori kia puāwai ai te pito mata i roto i te mahi, me te tautoko i te pakihi kia momoho, kia auaha, kia pakari anō hoki.

Ko tāna he whakarato pūtea ki ngā kaiwhakawhiwhi mahi ki te whakahoahoa, me te whakatinana i ngā hōtaka whakawhanake mā ngā kaimahi Māori hou, ki ngā kaimahi o nāianei tonu, hei whakapiki i ō rātou pūkenga, whai mahi, whiwhinga pūtea hoki, ka mutu, e whakawātea i te ara kia piki ake rātou ki ngā tūranga whakahaere. Ko te painga atu ina whakamahi ngā hōtaka Whakangungu Tauira i ngā āhuatanga o te tikanga ki te tautoko i ngā tauira me te whakapakari i tō rātou māia, mana anō hoki.

Who Mā wai hoki

Ahakoa nui, āhua nui, pakupaku rānei e whakatenatena ana i ngā kaiwhakawhiwhi mahi ki te mahitahi me Te Puni Kōkiri ki te whakarite i ngā kaupapa Whakangungu Tauira. E whai ana ngā whakangungu tauira ki te tautoko i te iwi Māori o ngā pakeke katoa e piki ake ana ki te taumata i tua atu o tā rātou mahi, arā, ki tētahi tūranga whakahaere, ārahi rānei. E taea ai hoki ngā kaimahi hou te tautoko kia tere ake te whakapakaritanga o ngā pūkenga kia whānui ake ngā huarahi mō te whakapikinga.

Offers Ōna hua

Mō ngā kaiwhakawhiwhi mahi
Ngā Whakangungu Tauira a Te Puni Kōkiri:

  • ka whakarato atu ki te $10,000 i ia pia mō te whakangungu me te whanaketanga
  • he tautoko i te āpōpō o te ōhanga pakihi
  • he whakatenatena i te whakatupuranga i ngā momo ahumahi ā-motu, ā-rohe anō hoki
  • e tautoko ana ki te momoho, te auaha, te manahau hoki o ngā pakihi, me te whakapiki i te kanorau, me ngā hononga ki ngā hapori Māori.

Mō ngā tauira
Ngā Whakangungu Tauira a Te Puni Kōkiri:

  • he hoatu ara mā ngā pia mō te whakapiki ki te taumata hou anō o tā rātou ara mahi
  • he whanake i te ārahitanga Māori, te ara pikitanga mahi pūmau
  • he whakarato i te kaupapa atawhai tangata kua whakahaeretia e te kaiwhakawhiwhi mahi
  • he āwhina ki te whakapiki i te oranga o te whānau kia momoho.

He āwhina Kāwanatanga mō te whakangungu

Government help with training — Business.govt.nz

Ki te hiahia tautoko, whakangungu rānei i ō kaimahi, kei konei te kāwanatanga hei āwhina. Kei Business.govt.nz ngā kōrero katoa mō ngā momo āwhina a te kāwanatanga mō te taha ki te whakangungu.

About He aha te tikanga o tēnei

Mai i ngā Whakahaere Whakangungu Ahumahi (ngā ITO) ki ngā akoranga i ngā meka matua o te Ingarihi me te pāngarau, me whai wāhi atu. 0Kei Business.govt.nz ngā pārongo mō ngā momo kaupapa hei āwhina i a koe ki te whakapiki i ngā pūkenga o tō ohumahi me te whakawhanake i tō pakihi. Tae atu ki:

  • Ngā Whakahaere Whakangungu Ahumahi (ngā ITO)
  • Te tautoko a Te Hiranga Tāngata
  • Te āwhina ki ngā meka matua o ngā nama me te pānui

Who Mā wai hoki

He utu-kore te whakamahinga o Business.govt.nz e tētahi o te iwi whānui.  Kua hoahoatia te ihirangi me ngā pakihi pakupaku o Aotearoa kei mua i te aroaro.  

Pūtea Pānui, Tatau i te Wāhimahi ka takina e te Kaiwhakawhiwhi mahi

Te Amorangi Mātauranga Matua

Whakapiki i te nui o te putanga mahi i te wāhimahi mā te whakarite kaupapa pānui, tatau kounga-rawa mā ō kaimahi.

About He aha te tikanga o tēnei

Ko tā te Pūtea Pānui, Tatau i te Wāhimahi ka tākina e te Kaiwhakawhiwhi mahi he āwhina i ngā kaiwhakawhiwhi mahi:

  • ki te whakatika i ngā raru ka puta ake i ngā raruraru pānui, tatau.
  • te whakarato hōtaka pānui, tatau hoki mā ngā kaimahi kua mātua whakaritea ake ki tō rātou wāhimahi.

Who Mā wai hoki

Mehemea he kaiwhakawhiwhi mahi koe e wātea ana pea tēnei pūtea ki a koe. Kei te paetukutuku o Te Amorangi Mātauranga Matua ngā paearu whakauru.

Offers Ōna hua

Ka whakarato aromatawai te pūtea mā ngā kaimahi, he hōtaka ki te whakapiki te pānui me te tatau, me te mātau ki ngā take whakaputaranga e ahu mai ana i ngā take pānui, tatau hoki i te wāhimahi.

Te whakangungu me te whakawhanake

Training and development — business.govt.nz

He rauemi tā Business.govt.nz hei āwhina i a koe ki te whakangungu me te whakawhanake i roto i tō wāhimahi.

About He aha te tikanga o tēnei

Mā te āwhina te tāngata ki te ako, me te tiri pukenga e pakari ake ai tō pakihi. Ehara i te mea me nui te utu. He wā anō e rite ana te uara o te ako i te mahi ki ngā akoranga me ngā tohu.

I hangaia ai tēnei rauemi hei āwhina i a koe ki te hanga ahurea e matapoporetia ana:

  • te whakahāngai i te akoranga ki te kaimahi me ngā whāinga pakihi
  • te aronga ki ngā hiahia o te tangata mō te āhua o tana ako
  • te whai kaupapahere, mahere whakawhanake pūkenga rānei
  • te whakawhanaketanga o ngā tāngata o ngā momo pakeke, whakapapa, wheako hoki.

Who Mā wai hoki

He utu-kore te whakamahinga o Business.govt.nz e tētahi o te iwi whānui. Kua hoahoatia te ihirangi me ngā pakihi pakupaku o Aotearoa kei mua i te aroaro.

Whakatipu i tō Pakihi me te Mātauranga Ahumahinga, Whakangungu hoki

Te Amorangi Mātauranga Matua

Ka āwhina te mātauranga ahumahinga i a koe ki te whakahohe i tō pakihi, te whakarite i tō wāhimahi mō ngā rā e tū mai nei me te tautoko i te ohu kaimahi o tēnei whenua.

About He aha te tikanga o tēnei

I tō tūranga hei kaiwhakawhiwhi mahi, e taea ai e koe te whakatipu tō pakihi mā te tiki i ngā ākonga, me ngā pia.

Kātahi te tino huarahi hei whai atu mā ngā kaimahi pono, kaingākau anō hoki e tino hiahia ana ki te tautoko i tō pakihi kia eke panuku. Ka tautoko hoki koe i te ohu kaimahi ā-motu whai pūkenga, whai tohu anō hoki.

Ka taea te pātui ki ngā kaiwhakarato mātauranga ahumahinga, whakangungu hoki ki te kimi i ngā pia me ngā ākonga e hāngai ana ki tō wāhimahi.

Who Mā wai hoki

Ngā kaiwhakawhiwhi mahi o Aotearoa e whai ana ki te whakatipu i tō rātou pakihi, whakarite i tō rātou wāhimahi mō ngā rā e tū mai nei me te tautoko i te ohu kaimahi o tēnei whenua.

Offers Ōna hua

Ako mō ngā rauemi, tautoko ā-pūtea hoki e wātea ana hei āwhina i a koe ki te tiki pia, ākonga hoki.

Kaupapa Tautoko Wā Whakatā KOWHEORI-19

Te Manatū Whakahiato Ora

Ngā utu mai i Te Hiranga Tangata ki te tautoko i ngā kaiwhakawhiwhi mahi, tae atu ki te hunga mahi ā-kiri, ki te utu i ngā utu ā-haora ki ngā kaimahi i te mea kāore e taea ana te mahi nā te KOWHEORI-19.

About He aha te tikanga o tēnei

Te tautoko i ngā kaiwhakawhiwhi mahi, tē taea e ana kaimahi te haere mai ki te mahi nā runga i ngā aratohu a Te Manatū Hauora e mea ana me noho rātou ki te kāinga, kāore hoki rātou e ahei ana ki te mahi mai i te kāinga.

Who Mā wai hoki

Ngā kaiwhakawhiwhi mahi, tae atu ki te hunga mahi ā-kiri, kāore e taea ana ā rātou kaimahi te mahi nā te KOWHEORI-19 te take. Arā anō ētahi atu paearu whakauru kei runga i te paetukutuku o Te Hiranga Tāngata.

Offers Ōna hua

Ngā utu o te $600 ia wiki mō ngā tāngata e mahi ana i te 20 haora neke atu i ia wiki, te $359 rānei mō ngā tāngata e mahi ana iti ake i te 20 haora i ia wiki.

Whakarerekēhia: