He nui ngā momo mahi e wātea ana i Te Hiranga Tangata i ngā kaiwhakawhiwhi mahi e mahi ana i tō rātou taha. Kimi mahi i runga i tō rātou paetukutuku ‘Find a Job’ ki te kimi tētahi e tika ana māu.

Mā te hunga e kimi mahi ana. Ehara i te mea me whai takuhe ki te whakamahi ‘Find a Job’.

Kia kitea tētahi mahi pai ki a koe, whakapā atu ki Te Hiranga Tāngata. Ka hono tōtika atu rātou i a koe ki te kaiwhakawhiwhi mahi.

Kimi mahi kua whakarārangihia e ngā kaiwhakawhiwhi mahi, hono tōtika atu ki te tuku tono ki a rātou.

Mā te hunga e kimi mahi ana.

Ka kite koe i te mahi tōtika māu ki tō rohe.

I te wā o te KOWHEORI-19 i whakapau kaha ō tātou kaipāmu, ringa whakatipu, kaihanga wāina kia haere tonu te motu, ka mutu, ka noho mātuatua ki te whakaoranga o Aotearoa tonu. E taea ai e koe te whai wāhi mai. Kei te hiahiatia te hunga whai wheako, whai pūkenga, whai pānga whānui tonu, ahakoa nō hea, ahakoa ko wai.

Ko te hunga e kimi ana i te kōwhiringa mahi pūmau, te whakangungu, me ngā tū momo tūranga, ina koa, te hunga whānui o Aotearoa e noho kore mahi ana nā te KOWHEORI-19 te take.

E wātea ana ngā mahi puta noa i Aotearoa i ngā ahumahi kai, whītau anō hoki. Arā, ko te mahi pāmu, (miraka, kau, hipi), te tukatuka kai, te whakaputa wāina, te mahi ngahere, te kaimoana, me te ahumāra. Kei te wātea ētahi ināia tonu nei, arā anō ētahi, he akomanga whakamātau, whakangungu rānei i mua i tō tīmatanga. Ahakoa he mahi ā-kaupeka ētahi, he nui tonu pea ka noho hei tīmatanga o tētahi mahi pūmau tonu me ngā ara kia whakatipu, kia kōkiri whakamua hoki.

Ehara i te mea he ara i ngā tūranga ā-tuawhenua, ā-tinana anake. Arā anō ngā mahi i roto i te pūtaiao, te hangarau, te pakihi, te whakahaere, ngā wāhanga o ngā mahi whakahaere, te tiaki kararehe, te tauhokohoko, te rangahau, me te whanaketanga. He whānui ngā tūranga mahi, ka mutu, he mahi whakaongaonga te mahi, me te mahi pūmau nei. Arā anō te nui kua kore pea e whakaarotia e koe. 

Ka pānuitia pea e ngā whakahaere i roto o te rāngai Kāwanatanga o Aotearoa ngā mahi e wātea ana ki tēnei paetukutuku.

Ko te hunga e hiahia ana ki te whai i te mahi tūturu i te rāngai kāwanatanga.

Hoki mai kia kite i ngā ara mahi hou rawa puta noa i te rāngai Kāwanatanga o Aotearoa.

Ko te ao tāpoi, whakauhi anō hoki he umanga ruarua noa nei tā te mahi pārekareka e kīia ai he angitu. Whakaritea mai tō ake whakaritenga kore utu ki te paetukutuku me te whai tomonga ki ngā angitu wheakotanga mahi, angitu tūranga mahi, ngā wānanga ipurangi te aha, te aha.

He ara whakahāngai mahi tā Go with Tourism mō te rapu mahi me te kimi kaimahi. Tirohia ai tā rātou taputapu World of Tourism kua waihangatia ake ki te whakaatu i ngā umanga mutunga kore e wātea ana i te ao tāpui, whakauhi anō hoki. E whakarato ana te World of Tourism i ngā pārongo tika mō te āhua o te kake tūranga mahi me ngā pūkenga me mau e koe kia piki whakarunga i te arawhata umanga.

Me kirirarau koe o Aoteroa, me whai māraurau rānei koe ki te mahi ki roto i Aotearoa, ā, kei te rapu mahi koe i te ao tāpoi, whakauhi rānei.

Nōu ka tū hei Āpiha Pirihimana, e whakapakari tonu ai i a koe anō, e whakaatu tonu ai i tō mana. Ka ako haere kia mārama ai koe ki ōu āheinga me ōu kaha, ā, ka mōhio pū me pēhea rā e whakamahi tika rawa atu ai ēnei pūmanawa ōu.

Me ō hoa Āpiha Pirihimana, e whai hua ai ā koutou mahi ki te oranga o ērā kei ō taha. Ki te taha anō i ō tātou hapori, ka noho haumaru tonu ai ngā kainoho katoa o Aotearoa ki ō rātou kāīnga, kei ngā tiriti, ā, kei ngā huarahi anō hoki. Māu hei uruhi te ture ki te māiatanga me te arohanui, ā, ka mahi anō koe ki ngā pārurenga, ngā whānau, ngā tōpūtanga hapori, iwi, ngā pakihi me ētahi anō umanga kāwanatanga.

Māu hei aukati i ngā mahi tūkino ka tautoko ai i te haumarutanga nui atu o Aotearoa mā tātou katoa. Ko te oranga ngākau e rongo ai koe i ēnei wheakotanga kāore i tua atu.

Ka ākina e Ngā Pirihimana o Aotearoa i ngā tono o te katoa nō rātou te whakaaro e taea ana tēnei mahi, ahakoa te ira, nō hea, nō tēhea ahurea, te taeratanga, te whakapono rānei. E hiahia ana anō hoki ki ngā tono i te hunga e mārama ana ki ngā reo kē me ngā ahurea kē. E tipu haere nei te kanorautanga o Aotearoa, tēnā heri mai nei tō ahurea, āu ūara ki tēnei mahi.

Ko te mea nui kē, me hiakai koe ki te tautoko i te hunga kei tō hapori. Me rite koe ki ngā whakatau uaua, me whakapakari ngā tūhonotanga i te hapori, ā, ka whakaū te māiatanga ki roto i te hunga kei ō taha. Me mārama ai e koe ki ngā hapori e mahitia ana e koe ka tautohu me te uiui i ngā raruraru e hua ai ngā kino.