E taea ai e Te Hiranga Tāngata a koe te āwhina ki te whakawhanake i ngā pūkenga e hiahiatia ana mā tō pakihi i te whakarauoratanga, hanga-anōtanga ā-ōhanga o Aotearoa. Kia tiki kaimahi koe mā te Mana i te Mahi, ka whiwhi pūtea, tautoko hoki ki te kimi kaimahi, te whakangungu, me te pupuri i a rātou.

Me whai tūranga pūmau, wā-katoa, harangotengote rānei kei te hiahia whakakī koe, me te hiahia ki te tautoko i tō kaimahi hou i runga i te ara ki tētahi tohu ōkawa ā-ahumahi.

Ka taea te whiwhi pūtea tāpiri utu ā-hāora atu ki te $16,000 mō te tau tuatahi a te kaimahi, ā, atu ki te $8,000 mō te tau tuarua, kei te āhua o tā rātou ara whakangungu. Kei te wātea mai ngā utunga hei āwhina i ngā utu i mua-mahi, whakangungu hoki. Ka whiwhi hoki i te Mana i te Mahi te tautoko ā-wairua atu ki te 24 marama, he momo āwhina anō tērā ki a koe ki te tautoko, me te poipoi i te kaimahi e whakangungua ana.

He pūtea mā ngā kaiwhakawhiwhi mahi hei āwhina i a rātou ki te tautoko i ā rātou pia ki te whakangungu, me te whakawhanake hoki i ō rātou pūkenga.

Ko ngā kaiwhakawhiwhi mahi o ngā pia i tō rātou tau tuatahi, tuarua rānei o te Whakangungu Pia o Aotearoa, tētahi Whakangungu Ka Whakahaeretia kua whakamanatia e Te Amorangi Mātauranga Matua.

Ko ngā moni utu ki ngā kaiwhakawhiwhi mahi ka $500 i te marama e utua ai mō ngā pia kei te tau tuatahi, me te tau tuarua hoki.

Ka whakarite pūtea Te Tahua Ringarehe, Whakangungu Māori hei tautoko i ngā kaupapa mahi, whakangungu hoki e whakahaeretia ana e te hapori.

Ngā pūtahi Māori - Iwi, Hapū, pakihi Māori

• He pūtea tautoko i ngā utu ā-hāora, tahua hoki o ngā kaiwhakangungu.
• He tautoko i te utu mō te whakarite ratonga tautoko anō pērā ki te atawhai ā-wairua.
• He pūtea tautoko i ngā utu whakahaere, whakariterite.