Te whāinga o ngā pūkete aka pāpori Connected.govt.nz

He ratonga Kāwanatanga Katoa te Connected.govt.nz, e taki ārahina ana e Te Manatū Whakahiato Ora. Ka whakamahia te aka pāpori ki te pōhi pānui, ngā pānui ratonga, ngā kōrero whānui, me ngā pārongo ohotata mō ngāi Aotearoa.

Tēnā, tuku mai ō urupare, ō whakaaro, heoi anō, kia tika ngā kōrero ka tukuna mai ai, me āu kōrero mō ngā whakaaro o ētahi atu tāngata. Tēnā, kia mau ki te kaupapa, kaua e tuku ihirangi mai, tuku pitopito kōrero mai rānei kāore e hāngai ana ki te take o ngā pūkete aka pāpori o Connected.govt.nz, pērā, ki tērā i tauākītia i runga ake nei.

Tēnā, kaua e whakamahi reo, e tuku kōrero mai rānei:

• he paraurehe, he pērā rānei te āhua, he wheori rānei tāna kei roto
• he kaikiri, he whakahāwea ira tangata, he aukati ā-momo rānei
• he ātete, he whakahāwea rānei kei roto
• ka whakaarotia e ētahi atu ānō nei he anuanu, he kōrero whakakakā, he taunanawe (tae atu ki te kangakanga, ngā pitopito kōrero mōketoketo, paruparu rānei)
• he tohutohu e aitua pea ai te tangata
• kāore e tika
• e takahi ana i ngā Tikanga Whakamahi o te aratuku ki reira e tukua atu ai
• e whati turi ana, e whakatenatena ana i ētahi atu ki te mahi pērā, tae atu ki te heitara, te takahi tūmataitinga, te takahi i ngā motika whakairoiro hinengaro a tētahi atu tangata pērā ki te manatārua, te whakaae ki ngā mahi takahi ture, te takahi whakahau kōti)

Mehemea e whakamahi ana i ngā wāhanga hapori o ngā pūkete aka pāpori o Connected.govt.nz, tēnā kaua e tuku pārongo whaiaro - wāhinoho, tau waea, wāhitau īmēra, ētahi atu taipitopito whakapā ā-ipurangi rānei - e pā ana ki a koe, ki ētahi atu tāngata rānei. Kaua e tāwhai, e rūkahu rānei ia he māngai mō tētahi tangata, whakahaere rānei. Kaua e whakamana, e whakatairanga rānei i te hua, te ratonga, te whakaputanga arumoni rānei.

Te Whakamanatanga

Ehara i te mea e āta whakamana ana ngā hinonga karauna e whai wāhi atu ana ki Connected.govt.nz i te paetukutuku, te whakahaere rānei e ahu mai ana i ngā pūkete aka pāpāho e whiwhi ana i ā mātou pōhi / pōhi anō rānei. Ehara i te mea mā te rarata, te rongo, te kōrero, te tuari ā-aka pāpori rānei a ngā pūkete aka pāpori Connected.govt.nz e kī ai kua whakamanatia, kua tūtohua rānei, he mea tuari pūrongo anake.

Karere tūmataiti

Nei te kupu whakahei, whakapā mai mā ngā Karere Tūmataiti. Ka whai mātou kia whakautua ngā Karere Tūmataiti katoa i roto i te 2 rā.

Te tango kōrero, te aukati kaiwhakamahi rānei

E tangohia ngā pitopito kōrero, ngā pōhi rānei e whati ana i ngā tikanga i runga ake nei. Mehemea ka takahia tēnei kaupapahere e te kaiwhakamahi, e taea ai te mahi pōhi a taua kaiwhakamahi te aukati atu, mō te wā poto, mō ake tonu atu rānei. Kāore ngā hinonga karauna e whai wāhi mai ana ki Connected.govt.nz e noho haepapa ahakoa he aha mō te taha ki te whakamahinga o, te whai wāhitanga mai ki rānei ngā pūkete aka pāpori.

Te aroturukitanga waho atu o ngā haora pakihi

Kāore e aroturukingia tēnei whārangi i waho o ngā haora pakihi. Ki te hiahia whakapā mai ki a mātou, ki tētahi rānei o ā mātou ratonga, tēnā, whakamahi i ngā pārongo kei runga i te paetukutuku Connected.govt.nz.

Feedback / Complaints process

Ka whakapau kaha mātou ki te tuku i te tino taumata o tēnei mea te ratonga, tae atu ana ki te tuku tohutohu tōtika.

Mehemea e whakaaro ana koe kāore mātou i te whakatutuki i aua paerewa, kei te hiahia whakarongo mātou i a koe. Ehara i te mea hei whakatikatika noa iho mātou i tō amuamu, engari kia pai ai tā mātou whakapakari ake i ā mātou ake ratonga mā te katoa.

Hei mahi tuatahi, me whakapā mai mā te Karere Tūmataiti. Ka whai mātou kia whakautua ngā Karere Tūmataiti katoa i roto i te 2 rā.

Mō ngā kōrero anō mō tā mātou tukanga amuamu ōkawa tēnā, haere ki te whārangi amuamu o MSD (external site).