He nui ngā momo mahi e wātea ana i Te Hiranga Tangata i ngā kaiwhakawhiwhi mahi e mahi ana i tō rātou taha. Kimi mahi i runga i tō rātou paetukutuku ‘Find a Job’ ki te kimi tētahi e tika ana māu.

Mā te hunga e kimi mahi ana. Ehara i te mea me whai takuhe ki te whakamahi ‘Find a Job’.

Kia kitea tētahi mahi pai ki a koe, whakapā atu ki Te Hiranga Tāngata. Ka hono tōtika atu rātou i a koe ki te kaiwhakawhiwhi mahi.

Anei ētahi huarahi e whai wāhi mai ai koe ki te tira:

• Hapori - he whakahaere i ngā hāmene ā-hapori
• Whare herehere - he whakaohooho i te hunga kei rō whare herehere, me te whakarite i te haumaru me te herenga
• Mātauranga, rapu mahi me ngā ringa rehe - he āwhina i te hunga kei rō whare herehere ki te whai pūkenga, mātauranga me ngā wheako mahi
• Hauora - te mahi hei nēhi, kaimātai hinengaro, tētahi atu tūranga hauora rānei
• Whakaauraki - he āwhina i ngā tāngata kia angitu ake ngā huringa, kia noho hara kore hoki
• Ngā ratonga tautoko - he mahi tūao, pia, te hono rānei ki tētahi o ngā tūranga rangatōpū

Ahakoa he tūranga mātanga ētahi tūranga, ā, me whai tohu motuhake, tērā ētahi atu tūranga e pōhiri ana i ngā tāngata o ngā kārangatanga ao katoa. Mō te hunga e mahi ana i te aroaroākapa (mahi hāngai ki ngā tāngata i te whare herehere, i ngā hāmene ā-hapori rānei) e tino uaratia e mātou ngā pūkenga whakawhiti kōrero, te ngākau aroha, te manawaroa, ngā whakataunga pai, me te āheinga ki te mahi tahi.

Ka pānuitia pea e ngā whakahaere i roto o te rāngai Kāwanatanga o Aotearoa ngā mahi e wātea ana ki tēnei paetukutuku.

Ko te hunga e hiahia ana ki te whai i te mahi tūturu i te rāngai kāwanatanga.

Hoki mai kia kite i ngā ara mahi hou rawa puta noa i te rāngai Kāwanatanga o Aotearoa.

Nōu ka tū hei Āpiha Pirihimana, e whakapakari tonu ai i a koe anō, e whakaatu tonu ai i tō mana. Ka ako haere kia mārama ai koe ki ōu āheinga me ōu kaha, ā, ka mōhio pū me pēhea rā e whakamahi tika rawa atu ai ēnei pūmanawa ōu.

Me ō hoa Āpiha Pirihimana, e whai hua ai ā koutou mahi ki te oranga o ērā kei ō taha. Ki te taha anō i ō tātou hapori, ka noho haumaru tonu ai ngā kainoho katoa o Aotearoa ki ō rātou kāīnga, kei ngā tiriti, ā, kei ngā huarahi anō hoki. Māu hei uruhi te ture ki te māiatanga me te arohanui, ā, ka mahi anō koe ki ngā pārurenga, ngā whānau, ngā tōpūtanga hapori, iwi, ngā pakihi me ētahi anō umanga kāwanatanga.

Māu hei aukati i ngā mahi tūkino ka tautoko ai i te haumarutanga nui atu o Aotearoa mā tātou katoa. Ko te oranga ngākau e rongo ai koe i ēnei wheakotanga kāore i tua atu.

Ka ākina e Ngā Pirihimana o Aotearoa i ngā tono o te katoa nō rātou te whakaaro e taea ana tēnei mahi, ahakoa te ira, nō hea, nō tēhea ahurea, te taeratanga, te whakapono rānei. E hiahia ana anō hoki ki ngā tono i te hunga e mārama ana ki ngā reo kē me ngā ahurea kē. E tipu haere nei te kanorautanga o Aotearoa, tēnā heri mai nei tō ahurea, āu ūara ki tēnei mahi.

Ko te mea nui kē, me hiakai koe ki te tautoko i te hunga kei tō hapori. Me rite koe ki ngā whakatau uaua, me whakapakari ngā tūhonotanga i te hapori, ā, ka whakaū te māiatanga ki roto i te hunga kei ō taha. Me mārama ai e koe ki ngā hapori e mahitia ana e koe ka tautohu me te uiui i ngā raruraru e hua ai ngā kino.