Nau mai haere mai

He pūtea, he tautoko rānei ki te whakangungu

Kimi pārongo mō ngā momo āwhina ā-pūtea hei āwhina i a koe ki te whakangungu.

Te Whakangungu Utu Kore

Te Amorangi Mātauranga Matua

Te whakamahere i tō whakangungu ahumahinga? E taea ai pea te whiwhi ngā marama 24 tuatahi o ō utu whakangungu mō te koreutu.

About He aha te tikanga o tēnei

Me ako mō te whānuitanga o ngā Utu Kore (Fees Free), ka tirohia mehemea e ahei ai tō whiwhi i tēnei āhua.

Who Mā wai hoki

Ngā ākonga puta noa i Aotearoa e tīmata ana i tā rātou whakangungu ahumahinga mō te wā tuatahi. Tirohia mehemea e wātea ana ēnei ki a koe mā te haere ki te paetukutuku Fees Free.

Offers Ōna hua

Mehemea kei te mahi koe i te whakangungu i a koe e mahi ana, mā Utu Kore e utu ngā utu katoa mō te whakangungu me te aromatawai mō te 24 marama tuatahi o tētahi kaupapa whakangungu ahumahi e tika ana.

E taea ai hoki ngā kaupapa e tika ana te whai i ngā wāhi e hiahiatia ana mō te utu-kore i raro i te Targeted Training and Apprenticeship Fund (TTAF). E kore tēnei e pā, e whakapau katoa rānei i tō āheinga Kore Utu.

Te Pūtea Whakangungu Hāngai me Te Whakangungu Pia

Te Amorangi Mātauranga Matua

Kia utukore te mahi whakangungu ki tētahi taiao e kaingākautia ana e koe. E taea ai te whiwhi pūkenga hou, tohu hoki me te whai wāhi atu ki te tīmata anō i te ōhanga o Aotearoa. Ki te whai wāhi atu koe ki te whakangungu pia ka taea hoki te whai utu i a koe e ako ana ki te mahi.

About He aha te tikanga o tēnei

Koinei pea te tino wā kia te whakangungu-anōtia koe ki tētahi mahi hou. Mā Te Pūtea Whakawhāiti Whakangungu me Te Whakangungutanga Pia e pīkau ngā utu o te whakangungu mō ngā mahi i ngā ahumahi e tino hiahiatia ana ngā kaimahi. Mā reira e pai ake ai mā Aotearoa Whānui tonu ahakoa te pakeke te whakangungu-anō i ngā mahi he nui ake ngā kōwhiringa mahi nei. Mehemea he pia koe, mā te tahua e utu i ō utu ahakoa te ahumahi e mahi ana koe.

Who Mā wai hoki

Mō te hunga e kimi whakangungu ana, ahakoa ko wai.

Offers Ōna hua

  • Ka utua ō utu mō te whānuitanga hoki o ngā momo whakangungu, ngā whakangungutanga pia katoa hoki.
  • Mā reira e pai ake ai te whakangungu-anō i ngā mahi he nui ake ngā kōwhiringa mahi nei.
  • Ka āhei tō whiwhi pūkenga hou, tohu anō hoki.

Te Pūtea Tautoko Whakangungu

Te Manatū Whakahiato Ora

He tahua māu mehemea he herenga hauora, he hauā rānei koe, ā, kei te hiahia whakangungu kia māmā ake tō whiwhi mahi, tō noho tonu rānei ki te mahi. Kei te whai pūtea tēnei i Te Hiranga Tāngata, nā Workbridge i whakatakoto.

About He aha te tikanga o tēnei

Kia māmā ake te wāhi ki te hunga whai herenga hauora, hauātanga rānei ki te whai whakangungu.

Who Mā wai hoki

Mā te hunga e kīia ana:

  • he mate hauora, mate hauā rānei, tērā tonu pea, ono marama neke atu te roa o te pātanga mai
  • he kirirarau, he tangata taiwhenua rānei, o Aotearoa
  • kāore i te whiwhi tautoko mai i te ACC, i Te Manatū Hauora rānei
  • ka noho ki Aotearoa i te nuinga o te wā, ka mutu, kei te hiahia noho tonu mai.

Offers Ōna hua

He āwhina ki te utu i ngā utu tāpiri o te whakangungu e hua mai ana i te hauātanga. Tae atu pea tēnei ki:

  • te whai tangata tautoko ki te akoranga whakangungu
  • ngā momo utauta e hiahiatia ana nā te āhua o tō herenga hauora, momo hauātanga rānei
  • ngā utu tāpiri o te haere ā-waka, te tūnga waka rānei.

He Āwhina Whai Wāhitanga Akoranga

Te Manatū Whakahiato Ora

E taea ai e Te Hiranga Tāngata te āwhina ki te utu mō tētahi akoranga wā poto hei āwhina i te tangata ki te whakawhanake pūkenga e hiahiatia ana kia whai mahi.

About He aha te tikanga o tēnei

Te mātua whakarite kei te whai whakangungu, pūkenga hoki ngā tāngata e hiahia ana ki te whai mahi.

Who Mā wai hoki

Te hunga e whiwhi ana i te takuhe nā Te Hiranga Tangata, ā, e haere ana ki tētahi akoranga whai mana, kāore anō kia utua e rātou ngā utu akoranga (arā, ngā utu hāereere), me utu ētahi atu utu rānei nā te akoranga tonu.

Offers Ōna hua

Atu ki te $1,000 puta i ngā wiki 52 - e taea ai neke atu i te utu kotahi i tēnei wā, engari kaua e neke atu i te $1,000.

Tupu Aotearoa

Te Manatū mō ngā Iwi o Te Moana nui ā-Kiwa

He kaupapa arotahi a Tupu Aotearoa hei tautoko i ngā tāngata nō te Moana-nui-a-Kiwa ki te whiwhi utauta, pūkenga hoki kia momoho ai rātou mā te whai mahi, te whakatutukinga o ētahi atu whakangungu, te ako rānei.

About He aha te tikanga o tēnei

Ka whakahaeretia a Tupu Aotearoa e ngā kaiwhakarato ā-rohe ki te tautoko i a koe i runga i tō haerenga ki te whai mahi, te whakangungu anō, te ako rānei.

Who Mā wai hoki

Ngā tāngata o te Moana-nui-a-Kiwa kei Aotearoa:

  • 15 pakeke ake rānei
  • He kirirarau nō Aotearoa
  • kāore i te mahi, te mātauranga, te whakangungu rānei i tēnei wā.

E kitea ai ngā wāhi e noho ana ngā kaiwhakarato ki runga i te paetukutuku o Te Manatū mō ngā Iwi o Te Moana nui ā-Kiwa

Offers Ōna hua

E āwhina ai ngā kaiwhakarato o Tupu Aotearoa i a koe ki:

  • te tautohu i ngā akoranga whakapiki pūkenga, whakangungu hoki e hāngai ana
  • he tohutohu ara mahi pūmau, me te ārahitanga
  • rapu mahi
  • te tautoko ki te tuhi i tō Tāhuhu Tangata, reta uhi rānei
  • te whakarite mō ngā uiui
  • te whiwhi raihana taraiwa
  • te tautoko pakihi me te tautoko i muri i te whiwhinga mahi.

Whakangungu Tauira

Te Puni Kōkiri

Whakakaha i tō pakihi kia rite mō te anamata i a koe e whakatipu ana i ngā pūkenga ārahi me ngā ara mahi pūmau o ngā kaimahi Māori awhero. Me mahitahi me Te Puni Kōkiri ki te whakatipu i ngā kaiārahi Māori.

About He aha te tikanga o tēnei

Ko tā ngā Whakangungu Tauira a Te Puni Kōkiri he tautoko i te Māori kia puāwai ai te pito mata i roto i te mahi, me te tautoko i te pakihi kia momoho, kia auaha, kia pakari anō hoki.

Ko tāna he whakarato pūtea ki ngā kaiwhakawhiwhi mahi ki te whakahoahoa, me te whakatinana i ngā hōtaka whakawhanake mā ngā kaimahi Māori hou, ki ngā kaimahi o nāianei tonu, hei whakapiki i ō rātou pūkenga, whai mahi, whiwhinga pūtea hoki, ka mutu, e whakawātea i te ara kia piki ake rātou ki ngā tūranga whakahaere. Ko te painga atu ina whakamahi ngā hōtaka Whakangungu Tauira i ngā āhuatanga o te tikanga ki te tautoko i ngā tauira me te whakapakari i tō rātou māia, mana anō hoki.

Who Mā wai hoki

Ahakoa nui, āhua nui, pakupaku rānei e whakatenatena ana i ngā kaiwhakawhiwhi mahi ki te mahitahi me Te Puni Kōkiri ki te whakarite i ngā kaupapa Whakangungu Tauira. E whai ana ngā whakangungu tauira ki te tautoko i te iwi Māori o ngā pakeke katoa e piki ake ana ki te taumata i tua atu o tā rātou mahi, arā, ki tētahi tūranga whakahaere, ārahi rānei. E taea ai hoki ngā kaimahi hou te tautoko kia tere ake te whakapakaritanga o ngā pūkenga kia whānui ake ngā huarahi mō te whakapikinga.

Offers Ōna hua

Mō ngā kaiwhakawhiwhi mahi
Ngā Whakangungu Tauira a Te Puni Kōkiri:

  • ka whakarato atu ki te $10,000 i ia pia mō te whakangungu me te whanaketanga
  • he tautoko i te āpōpō o te ōhanga pakihi
  • he whakatenatena i te whakatupuranga i ngā momo ahumahi ā-motu, ā-rohe anō hoki
  • e tautoko ana ki te momoho, te auaha, te manahau hoki o ngā pakihi, me te whakapiki i te kanorau, me ngā hononga ki ngā hapori Māori.

Mō ngā tauira
Ngā Whakangungu Tauira a Te Puni Kōkiri:

  • he hoatu ara mā ngā pia mō te whakapiki ki te taumata hou anō o tā rātou ara mahi
  • he whanake i te ārahitanga Māori, te ara pikitanga mahi pūmau
  • he whakarato i te kaupapa atawhai tangata kua whakahaeretia e te kaiwhakawhiwhi mahi
  • he āwhina ki te whakapiki i te oranga o te whānau kia momoho.

Whakarerekēhia: