Me ako mō te whānuitanga o ngā Utu Kore (Fees Free), ka tirohia mehemea e ahei ai tō whiwhi i tēnei āhua.

Ngā ākonga puta noa i Aotearoa e tīmata ana i tā rātou whakangungu ahumahinga mō te wā tuatahi. Tirohia mehemea e wātea ana ēnei ki a koe mā te haere ki te paetukutuku Fees Free.

Mehemea kei te mahi koe i te whakangungu i a koe e mahi ana, mā Utu Kore e utu ngā utu katoa mō te whakangungu me te aromatawai mō te 24 marama tuatahi o tētahi kaupapa whakangungu ahumahi e tika ana.

E taea ai hoki ngā kaupapa e tika ana te whai i ngā wāhi e hiahiatia ana mō te utu-kore i raro i te Targeted Training and Apprenticeship Fund (TTAF). E kore tēnei e pā, e whakapau katoa rānei i tō āheinga Kore Utu.

Koinei pea te tino wā kia te whakangungu-anōtia koe ki tētahi mahi hou. Mā Te Pūtea Whakawhāiti Whakangungu me Te Whakangungutanga Pia e pīkau ngā utu o te whakangungu mō ngā mahi i ngā ahumahi e tino hiahiatia ana ngā kaimahi. Mā reira e pai ake ai mā Aotearoa Whānui tonu ahakoa te pakeke te whakangungu-anō i ngā mahi he nui ake ngā kōwhiringa mahi nei. Mehemea he pia koe, mā te tahua e utu i ō utu ahakoa te ahumahi e mahi ana koe.

Mō te hunga e kimi whakangungu ana, ahakoa ko wai.

• Ka utua ō utu mō te whānuitanga hoki o ngā momo whakangungu, ngā whakangungutanga pia katoa hoki.
• Mā reira e pai ake ai te whakangungu-anō i ngā mahi he nui ake ngā kōwhiringa mahi nei.
• Ka āhei tō whiwhi pūkenga hou, tohu anō hoki.

Kia māmā ake te wāhi ki te hunga whai herenga hauora, hauātanga rānei ki te whai whakangungu.

Mā te hunga e kīia ana:

• he mate hauora, mate hauā rānei, tērā tonu pea, ono marama neke atu te roa o te pātanga mai
• he kirirarau, he tangata taiwhenua rānei, o Aotearoa
• kāore i te whiwhi tautoko mai i te ACC, i Te Manatū Hauora rānei
• ka noho ki Aotearoa i te nuinga o te wā, ka mutu, kei te hiahia noho tonu mai.

He āwhina ki te utu i ngā utu tāpiri o te whakangungu e hua mai ana i te hauātanga. Tae atu pea tēnei ki:

• te whai tangata tautoko ki te akoranga whakangungu
• ngā momo utauta e hiahiatia ana nā te āhua o tō herenga hauora, momo hauātanga rānei
• ngā utu tāpiri o te haere ā-waka, te tūnga waka rānei.

Te mātua whakarite kei te whai whakangungu, pūkenga hoki ngā tāngata e hiahia ana ki te whai mahi.

Te hunga e whiwhi ana i te takuhe nā Te Hiranga Tangata, ā, e haere ana ki tētahi akoranga whai mana, kāore anō kia utua e rātou ngā utu akoranga (arā, ngā utu hāereere), me utu ētahi atu utu rānei nā te akoranga tonu.

Atu ki te $1,000 puta i ngā wiki 52 - e taea ai neke atu i te utu kotahi i tēnei wā, engari kaua e neke atu i te $1,000.

Ka whakahaeretia a Tupu Aotearoa e ngā kaiwhakarato ā-rohe ki te tautoko i a koe i runga i tō haerenga ki te whai mahi, te whakangungu anō, te ako rānei.

Ngā tāngata o te Moana-nui-a-Kiwa kei Aotearoa:

• 15 pakeke ake rānei
• He kirirarau nō Aotearoa
• kāore i te mahi, te mātauranga, te whakangungu rānei i tēnei wā.

E kitea ai ngā wāhi e noho ana ngā kaiwhakarato ki runga i te paetukutuku o Te Manatū mō ngā Iwi o Te Moana nui ā-Kiwa

E āwhina ai ngā kaiwhakarato o Tupu Aotearoa i a koe ki:

• te tautohu i ngā akoranga whakapiki pūkenga, whakangungu hoki e hāngai ana
• he tohutohu ara mahi pūmau, me te ārahitanga
• rapu mahi
• te tautoko ki te tuhi i tō Tāhuhu Tangata, reta uhi rānei
• te whakarite mō ngā uiui
• te whiwhi raihana taraiwa
• te tautoko pakihi me te tautoko i muri i te whiwhinga mahi.