Nau mai haere mai
Nau mai ki te paetukutuku Hononga.
Welcome to the Connected website.
Kua whakamaorihia e maatau tenei paetukutuku ki roto i te reo Maori hei waahanga o ta maatau pono ki Te Ture mō Te Reo Māori (Te Ture mo te Reo Maori) 2016 ma te whakamahi i tetahi kaiwhakamaori whai raihana.
We’ve translated this website into the Māori language as part of our commitment to Te Ture mō Te Reo Māori (The Māori Language Act) 2016 using a licensed translator.
Ahakoa ka ngana ki te pupuri i te katoa o te papanga, ko nga waahanga o te paetukutuku kua huri ake nei ka paa ki te reo Ingarihi.
Although we try to keep the whole site translated, parts of the website that have recently changed will be in English.
He pūtea, he tautoko rānei ki te ako
Kimi pārongo mō ngā momo āwhina ā-pūtea hei āwhina i a koe ki te ako.
Tirohia e 7 ngā momo tautoko ā-pūtea mō te ako i runga i tēnei whārangi
Te Ako Utu Kore
Tertiary Education Commission
E whakamahere ana i tō mātai mātauranga matua? E taea ai pea te whiwhi mātai utu-kore mō te kotahi tau.
He aha te tikanga o tēnei
Me ako he aha ngā mea ka taka ki raro i ngā Utu Kore me te tirotiro mehemea e taea ai e koe te whiwhi.
Mā wai hoki
Ngā ākonga katoa puta noa i Aotearoa e tīmata ana i tā rātou mātai mātauranga matua mō te wā tuatahi. Tirohia mehemea e ahei ana koe mā te haere ki te paetukutuku Fees Free.
Ōna hua
Mehemea e mātai ana i tētahi whare wānanga, Te Pūkenga, wānanga, whakahaere whakangungu tūmataiti (PTE), ka utua ō utu ako, utu kōhi me mātua utu, me ngā utu ratonga ākonga me matua utu e Fees Free.
Tahua Ākonga
Te Manatū Whakahiato Ora
Mehemea kei te ako koe, ā, kei te tūtaki i ngā paearu e taea ai pea te tono tahua hei āwhina i a koe ki te utu i ō whakapaunga i a koe e ako ana.
He aha te tikanga o tēnei
He utu ā-wiki hei āwhina i a koe me ō utu o ia rā, pērā i te nohoanga me ngā kai. Ehara i te mea me whakahoki tēnei.
Mā wai hoki
Ngā ākonga e whai ana i tētahi akoranga whaimana, ā, he kirirarau nō Aotearoa, he kainoho noa rānei koe ki Aotearoa. Arā anō ētahi atu paearu e tika ana hoki kia tutuki - kua kōrerohia ēnei ki te paetukutuku o StudyLink.
Ōna hua
He utu ā-wiki tēnei, kei te āhua o tō noho te nui o te utu. Mehemea kei raro koe i te 24, kei te nui o te whiwhinga pūtea o ō mātua te nui.
Ngā pūtea taurewa ākonga
Te Manatū Whakahiato Ora
Mehemea kei te ako koe, ka mutu, kei te tūtaki i ngā paearu e taea ai pea te tono pūtea taurewa hei āwhina i a koe ki te utu i ō whakapaunga i a koe e ako ana.
He aha te tikanga o tēnei
He āwhina ki te utu i ō utu akoranga, taonga ako me ngā utu noho. Me whakahoki koe i tēnei pūtea.
Mā wai hoki
Ngā ākonga e whai ana i tētahi akoranga whaimana, he Kirirarau nō Aotearoa, he kainoho rānei ki Aotearoa. Arā anō ētahi atu paearu e tika ana hoki kia tutuki - kua kōrerohia ēnei ki te paetukutuku o StudyLink.
Ōna hua
E taea ai te whiwhi pūtea taurewa mō ngā utu akoranga here, ngā utu akoranga (arā, ngā pukapuka, he rorohiko pono rānei) me ngā utu noho.
Tupu Aotearoa
Te Manatū mō ngā Iwi o Te Moana nui ā-Kiwa
He kaupapa arotahi a Tupu Aotearoa hei tautoko i ngā tāngata nō te Moana-nui-a-Kiwa ki te whiwhi utauta, pūkenga hoki kia momoho ai rātou mā te whai mahi, te whakatutukinga o ētahi atu whakangungu, te ako rānei.
He aha te tikanga o tēnei
Ka whakahaeretia a Tupu Aotearoa e ngā kaiwhakarato ā-rohe ki te tautoko i a koe i runga i tō haerenga ki te whai mahi, te whakangungu anō, te ako rānei.
Mā wai hoki
Ngā tāngata o te Moana-nui-a-Kiwa kei Aotearoa:
- 15 pakeke ake rānei
- He kirirarau nō Aotearoa
- kāore i te mahi, te mātauranga, te whakangungu rānei i tēnei wā.
E kitea ai ngā wāhi e noho ana ngā kaiwhakarato ki runga i te paetukutuku o Te Manatū mō ngā Iwi o Te Moana nui ā-Kiwa
Ōna hua
E āwhina ai ngā kaiwhakarato o Tupu Aotearoa i a koe ki:
- te tautohu i ngā akoranga whakapiki pūkenga, whakangungu hoki e hāngai ana
- he tohutohu ara mahi pūmau, me te ārahitanga
- rapu mahi
- te tautoko ki te tuhi i tō Tāhuhu Tangata, reta uhi rānei
- te whakarite mō ngā uiui
- te whiwhi raihana taraiwa
- te tautoko pakihi me te tautoko i muri i te whiwhinga mahi.
Ngā Karahipi Mātauranga Matua
Te Tāhuhu o te Mātauranga
Ahakoa te momo mātai ka hiahia whai koe ka mutu ana te kura me mōhio me pēhea, kei hea hoki e kitea ai te tautoko ā-pūtea hei āwhina i a koe.
He aha te tikanga o tēnei
Me ako he aha ngā momo karahipi e wātea ana mō te mātai ka mutu ana te kura, ki hea hoki kitea ai ētahi atu taipitopito.
Mā wai hoki
Ngā ākonga katoa puta noa i Aotearoa.
Ōna hua
- Ngā pārongo mō ngā tū momo karahipi
- Ngā taipitopito kia mōhio me pēhea te kimi ētahi atu pārongo mō ngā karahipi
Mō ngā karahipi ākonga
Te Tāhuhu o te Mātauranga
Kimihia he aha ngā karahipi e wātea ana hei āwhina me ngā utu o te whakangungu ka mutu ana te kura me te mātauranga.
He aha te tikanga o tēnei
Ngā pārongo mā ngā mātua me ngā kaitiaki mō ngā wāhi hei tirotiro ki te kimi karahipi hei tautoko i ngā tāngata ki te ako ki te taumata mātauranga matua i Aotearoa.
Mā wai hoki
Ngā ākonga, ngā mātua me ngā kaitiaki puta noa i Aotearoa. He pārongo whāiti tēnei mō ngā karahipi mā ngā ākonga Māori, Pasifika hoki, mō ngā karahipi mō te whakangungu whakaako me te mātauranga, mō ngā ākonga nō tāwāhi hoki.
Ōna hua
Kei tēnei paetukutuku ngā pārongo whānui mō ngā karahipi e wātea ana pea, me te hunga pea e tuku ana i aua karahipi. Arā, ngā hononga ki ngā whare wānanga, ngā whakahaere tūmataiti, tāngata rānei me ngā tari kāwanatanga e tuku ana i ētahi o aua karahipi.
Te Tahua Manawarū Whakangungu
Te Manatū Whakahiato Ora
Mēnā rā e whai penihana koe, ā, kei te hiahia whakaoti i tētahi akoranga (tae ake ki ngā tohu paetahi), tēnā pea ka āhei e koe ki te whakawhiwhi i te Tahua Akiaki Whangungu e tautoko ai i ngā nama.
He aha te tikanga o tēnei
Ko te Tahua Akiaki Whangungu e tautoko ai kia utua ngā utu whakauru me ngā nama. Ehara i te mea me whakautu mai ēnei pūtea.
Mā wai hoki
Ngā taumata 1-3 o te Mana Tohu Mātauranga o Aotearoa.
Ko tēnei moni utu mō te hunga e whiwhi penihana ana e mahi ana i tētahi akoranga kua whakamanahia.
Ngā taumata 4-7 o te Mana Tohu Mātauranga o Aotearoa (tae ake ki ngā tohu paetahi)
Mai i te 1 o Hūrae 2021 ko te Tahua Akiaki Whangungu e wātea ana anō hoki ki ngā mātua takitahi e whai penihana ana, waihoki ki ngā kaitiaki o te hunga whaikaha e whiwhi ana i te Moni Utu Tautoko Ora. Ka taea e koe te tono hei te 1 o Hūrae 2021.
He paearu me ea e koe anō hoki – whakamāhukitia ana ēnei ki Work and Income website (external site).
Ōna hua
Ko te nui ake o ngā moni ka taea a e koe te whiwhi kei tōna $4,500 mō ngā utu pēnei:
- ngā utu whakaako
- ngā utu waka, pahi, tereina te aha, te aha
- ngā utu manaaki
- ngā utu tiaki tamariki
- ngā pukapuka
- ngā pukapuka, pene, rorohiko te aha, te aha.
Whakarerekēhia: