Hei rauemi matua mō ngā pārongo pakihi KOWHEORI-19 a te kāwanatanga, ka kite pārongo, aratohu hoki hei āwhina i a koe hei pakihi mō:

• Te Pou Tarāwaho Whakamarumaru KOWHEORI-19
• Omikorona
• tautoko ā-pūtea mō ngā pakihi
• Ngā Tohu Rongoa Ārai Mate
• ngā herenga uhi kanohi mō ngā kaimahi me ngā kiritaki
• te pupuri kōrero me te whaiwhai pānga
• te hauora hinengaro me te tautoko oranga.

He utu-kore te whakamahinga o Business.govt.nz e tētahi o te iwi whānui. Kua hoahoatia te ihirangi me ngā pakihi pakupaku o Aotearoa kei mua i te aroaro.

He pūtea taurewa kāwanatanga i roto i te 5 tau mō ngā pakihi iti ki te waenga i pāngia e te KOWHEORI-19.

Ngā pakihi i whakatūria i muri i te 1 Paengawhāwhā 2020. Tōna tikanga kua tū tā rātou pakihi mō te 6 marama rawa i mua i te tono, kia tutuki hoki i ētahi atu paearu whakauru.

E āhei ana ngā pakihi ki te whiwhi i te pūtea taurewa o te $10,000, tāpiri i te $1,800 mō ia kaimahi wā-katoa, atu ki te $100,000.

Te tautoko i ngā kaiwhakawhiwhi mahi, tē taea e ana kaimahi te haere mai ki te mahi nā runga i ngā aratohu a Te Manatū Hauora e mea ana me noho rātou ki te kāinga, kāore hoki rātou e ahei ana ki te mahi mai i te kāinga.

Ngā kaiwhakawhiwhi mahi, tae atu ki te hunga mahi ā-kiri, kāore e taea ana ā rātou kaimahi te mahi nā te KOWHEORI-19 te take. Arā anō ētahi atu paearu whakauru kei runga i te paetukutuku o Te Hiranga Tāngata.

Ngā utu o te $600 ia wiki mō ngā tāngata e mahi ana i te 20 haora neke atu i ia wiki, te $359 rānei mō ngā tāngata e mahi ana iti ake i te 20 haora i ia wiki.

Hei tāpiri mai ki ngā hinonga maha  a Te Manatū i tēnei kaupapa, kua whakaroa ake ēnei tautoko hei urupare ki ngā here nō nā tata ake nei:

• Te Kaupapa Tautoko Toi me te Ahurea

• Te Haupū Whawhati Tata Rāngai Ahurea – Ngā Rōpū

• Te Haupū Whawhati Tata Rāngai Ahurea Karāti mō te Hunga Mahi mō Rātou Ake

Ko te tikanga o ēnei hinonga kia whakarato he tautoko whawhati tata ki ērā kei te rāngai kua heke te whiwhinga moni, angā ngitūtanga rānei nā te urutā Delta, Ōmikorona rānei.

E aro ana tēnei kaupapa tautoko a Te Manatū ki ērā kei te rāngai toi me te ahurea hoki e kimi tautoko pae tata nei, pae tawhiti nei anō hoki. Tae atu anō ki ngā kaiwhakahaere takunetanga, ngā rōpū auaha me ngā rōpū, te hunga toi takitahi me ngā kaimahi rāngai.

He whiringa hinonga pae tata, pae tawhiti anō hoki e taea ai e ngā rōpū, e ngā takitahi nei te tomo i te rāngai nei.

Mō te tautoko i kī ake nei, ko te hunga e māraurau ana mō te:

• Te Kaupapa Tautoko Toi me te Ahurea e taea ana te whakawhiwhi, atu ki te $300,000 ki ia kaupapa e māraurau ana.
• Te Haupū Whawhati Tata Rāngai Ahurea – Ngā Kaiwhakahaere e taea ana te whakawhiwhi, atu ki te $300,000.
• Te Haupū Whawhati Tata Rāngai Ahurea Karāti mō te Hunga Mahi mō Rātou Ake e taea ana te whakawhiwhi i tētahi moni utu kotahi anake e $5,000 te rahi.